>> भारत नागणे

पंढरपूर : गरीबांचा देव अशी ओळख असलेल्या पंढरपूरच्या विठुरायाच्या चरणी एका भाविकाने तब्बल दोन कोटी रुपयांचे सोन्याचे दागिने अर्पण केले आहेत. मंदिर समितीच्या इतिहासामध्ये सर्वात मोठे दान असल्याचे मानले जाते‌. (Maharashtra News)

जालना येथील‌ एका भाविकाने गुप्त दान म्हणून  विठ्ठल रुक्मिणीसाठी सोन्याचे मुकुट, सोन्याचे विविध अलंकार, सोन्याच्या पाटल्या, मनी मंगळसूत्र आदी सोन्याचे दागिने अर्पण केले आहेत.

आज विठ्ठल आणि रूक्मिणीचा विवाह सोहळा संपन्न होणार आहे.‌ याच निमित्ताने या भाविकाने रुखवत म्हणून चांदीचे ताट,वाट्या, तांब्या, आरसा, समय, असा विविध वस्तूसह रेशमी वस्त्र ही भेट दिली आहे. मंदिर समितीचे व्यवस्थापक बालाजी पुदलवाड यांनी याबाबत माहिती दिली.