Raigad Rain Update: मान्सून राज्यात दाखल झाला आहे. दोन दिवसांतच मान्सूनने संपूर्ण महाराष्ट्र व्यापून टाकला आहे. त्यामुळे अनेक भागांमध्ये मुसळधार पावसाला सुरूवात झाली आहे. मुंबई कोकणासह, घाटमाथ्यावर पावसाच्या जोरदार सरी कोसळत आहेत. पावसामुळे अनेक ठिकाणी दरड कोसळण्याच्या घटना देखील घडत आहे. त्यातच आता आंबेनळी घाटात दरड कोसळल्याची घटना घडली आहे. (Latest Marathi News)

मिळालेल्या माहितीनुसार; पोलादपूरकडुन महाबळेश्वरच्या दिशेने जाणाऱ्या आंबेनळी घाटात ही दरड कोसळली (Landslide) आहे. या दरडीमुळे दोन्ही बाजूला वाहतूक विस्कळीत झाली आहे. दरडी काढण्याचे काम सुरू आहे त्यामुळ दोन्ही बाजूची वाहतूक पूर्णपणे थांबवण्यात आली आहे.

तसेच आंबेनळी घाटा एवजी पर्यायी मार्गाचा वापर करा असे अवाहन रायगड पोलिसांकडून (Police)करण्यात आले आहे. आंबेनळी घाटात दोन दिवसांपासून दरड कोसळण्याचे प्रकार घडत आहेत. यामुळे या घाटातील वाहतुकीबाबत मोठा निर्णय घेतल्या जाण्याची शक्यताही नाकारता येत नाही.

राज्यासाठी पुढील ४८ तास धोक्याचे

मान्सूनचे (Monsson 2023) आगमन झाल्यानंतर पुढील दोन दिवस राज्यात सर्वदूर पावसाचा अंदाज आहे. नाशिक, मुंबईसह पालघर, ठाणे जिल्ह्यांनाही मंगळवारी, तर पालघर आणि रायगड जिल्ह्याला बुधवारी “ऑरेंज अ‍ॅलर्ट” देण्यात आला आहे. पुण्यासह अन्य काही जिल्ह्यांतील तुरळक ठिकाणी मुसळधार ते अतिमुसळधार पावसाची शक्यता वर्तविण्यात आली आहे.

त्याबरोबर नाशिक, पुणे आणि सातारासह विदर्भात अमरावती, नागपूर येथे काही ठिकाणी मुसळधार ते अतिमुसळधार पावसाची शक्यता वर्तवण्यात आली आहे. तर भंडारा आणि गोंदिया येथे काही ठिकाणी अतितीव्र मुसळधार पाऊसही होऊ शकेल. या काळात विदर्भामध्ये मेघगर्जनेचीही शक्यता हवामान खात्याने वर्तवली आहे.