Ladki Bahin yojana Reels and Memes: राज्यात काल महायुतीचं नवीन सरकार स्थापन झालं आहे. महायुतीच्या तिन्ही पक्षांच्या तब्बल 235 आमदारांनी दणदणीत विजय मिळवला आहे. तर भाजपने 132 जागा जिंकल्याने राज्यातला सर्वात मोठा पक्ष होण्याचा मान त्यांना मिळाला आहे.

हा अनपेक्षित विजय कसा मिळाला? याचं उत्तर म्हणजे निवडणुकीच्या तोंडावर आणलेली लाडकी बहीण योजना. यावेळी विधानसभा निवडणुकीत लाडकी बहीण योजनेने कमालीची जादू केलेली दिसली आहे.

महायुती सरकारनं जुलै महिन्यात लाडकी बहीण ही योजना जाहीर करून महिलांच्या खात्यावर प्रति महिना दीड हजार देण्याची घोषणा केली. त्यानंतर दिवाळीपर्यंत राज्याच्या महिलांच्या खात्यात सात हजारांची रक्कम जमा झाली. त्याचाच परिणाम म्हणून महायुतीच्या लाडक्या भावांना बहिणीने मतदान केलं असल्याच्या चर्चा सोशल मीडियावर रंगू लागल्या आहेत.

या योजनेच्या पैशांत देखील आता वाढ होणार असल्याने महायुतीच्या लाडकी बहीण योजनेवरून सोशल मीडियावर भन्नाट मीम्स, व्हिडीओंचा महापूरच आला आहे. काहींनी या योजनेवरून मीम्सच्या माध्यमातून महायुती सरकारवर 'निशाना' साधला आहे. तर काहींनी या योजनेचं कौतुक केलं आहे. सध्या इंस्टाग्रामवरील हे रील्स चांगलेच व्हायरल होतांना दिसत आहेत.

एकीकडे लाडकी बहीण योजनेवरून महायुती आणि महाविकास आघाडीमध्ये आरोप प्रत्यारोपांचा कलगीतुरा रंगत असताना दुसरीकडे सोशल मिडियावर विनोदी रिल्स, मिम्सचा धुमाकूळ सोशल मीडिया युजर्ससाठी मनोरंजनाचा विषय ठरत आहे.

मात्र, या सगळ्या आरोप प्रत्यारोप आणि विनोदानंतर देखील केवळ या एका योजनेमुळे महायुतीला विधानसभा निवडणुकीत जे यश मिळालं आहे, ते ऐतिहासिकच म्हणावं लागणार आहे. लाडकी बहीण योजनेचा प्रभाव विधानसभा निवडणुकीच्या निकालात दिसून आला असल्याचं विरोधकांना देखील मान्य करावं लागलं आहे.

चला तर मग पाहू लाडकी बहीण योजनेवर व्हायरल होणाऱ्या मजेशीर मीम्स..