लाडकी बहीण योजनेचा सुरुवात होऊन दीड वर्ष पूर्ण झाले आहे. लाडकी बहीण योजनेत महिलांना दर महिन्याला १५०० रुपये मिळते. विधानसभा निवडणुकीआधी ही घोषणा सुरु झाली होती. आता महायुती सरकार येऊन एक वर्ष पूर्ण होईल. यानिमित्त राज्याचे मुख्यमंत्री देवेंद्र फडणवीसांनी मोठी घोषणा केली आहे. राज्यातील लाडक्या बहि‍णींना लखपती करणार असल्याचे त्यांनी म्हटले आहे.

देवेंद्र फडणवीसांनी काय म्हटलं? (Devendra Fadnavis on Ladki Bahin Yojana)

लाडकी बहीण योजना सुरु झाली तेव्हा ती बंद होईल, असं बोललं जात होतं. विरोधक लाडकी बहीण योजनेबाबत आरोप करताना दिसत आहेत. याबाबत बोलताना देवेंद्र फडणवीस म्हणाले की, येत्या ५ डिसेंबरला आमच्या सरकारला एक वर्ष पूर्ण होईल. अनेकजण म्हणाले की, निवडून आल्यावर लाडकी बहीण योजना बंद होईल. मात्र, आता सरकारला एक वर्ष पूर्ण होईल, तरीही योजना बंद झालेली नाही. ही योजना यापुढेही सुरुच राहणार आहे. आता आम्हाला महिलांना लखपती दीदी करायचे आहे, असं त्यांनी सांगितले आहे. याआधीही एक सभेत त्यांनी सांगितले की, आम्हाला ५० लाख दीदींना लखपती दीदी करायचे आहे.

लखपती दीदी योजना आहे तरी काय? (What is Lakhpati Didi Yojana)

केंद्र सरकारने लखपती दीदी योजना सुरु केली आहे. लखपती दीदी योजनेत महिलांना स्वतः चा व्यवसाय सुरु करण्यासाठी कर्ज दिले जाते. महिलांना ५ लाखांपर्यंत कर्ज दिले जाते. कोणत्याही व्याजाशिवाय तुम्हाला हे लोन मिळणार आहे. ही योजना राबवून महाराष्ट्रातील महिलांना लखपती करण्याचे सरकारचे उद्दिष्ट आहे.