लाडकी बहीण योजनेच्या लाभार्थ्यांसाठी महत्त्वाची बातमी आहे. आता अनेक लाडक्या बहि‍णींचे अर्ज बाद केले जात आहे. काही दिवसांपूर्वी यवतमाळमधील २७ हजार महिलांचे अर्ज बाद करण्यात आले होते. त्यानंतर आता अमरावती जिल्ह्यातील तब्बल २१ हजार ९३७ महिलांचे अर्ज बाद करण्यात आले आहेत.

२१ हजार महिलांचे अर्ज बाद

अमरावती जिल्ह्यातील ४७ महिलांनी स्वतः हून लाडकी बहीण योजनेचा लाभ सोडला आहे. सध्या अमरावतीत ६ लाख ९५ हजार ३५० महिला लाडकी बहीण योजनेचा लाभ घेत आहेत. विविध कारणांमुळे २१ हजार महिलांचे अर्ज बाद करण्यात आले आहेत. त्यामुळे या महिलांना आता कधीच या योजनेचा लाभ मिळणार नाहीये.

आता लाडकी बहीण योजनेच्या अर्जांची नोंदणी बंद झाली आहे. त्यामुळे इथून पुढे कोणालाही या योजनेसाठी अर्ज करता येणार नाहीये.

कोणाला मिळणार नाही लाभ? (These Women Will Not Get Benefit Of Ladki Bahin Yojana)

लाडकी बहीण योजनेच्या ज्या लाभार्थ्यांनी निकषांबाहेर जाऊन योजनेचा लाभ घेतला आहे. त्यांना या योजनेतून बाद करण्यात आले आहे. अमरावतीमधील २१ हजार महिलांचे अर्जदेखील याच कारणांमुळे बाद केले आहे. महिलांचे उत्पन्न २.५ लाखांपेक्षा जास्त. त्यांच्याकडे चारचाकी वाहन, इतर योजनांचा लाभ घेत असलेल्या महिलांचे अर्ज बाद करण्यात आले आहे. त्यामुळे जर तुम्हीही निकषांबाहेर जाऊन लाभ घेतला असेल तर तुम्हालाही योजनेचा लाभ मिळणार नाही.

जुलैचा हप्ता कधी येणार? (Ladki Bahin Yojana July Month Installment Date)

लाडकी बहीण योजनेच्या लाभार्थी महिला जुलैच्या हप्त्याची वाट पाहत आहेत. जुलैचा हप्ता कधी जमा होणार असा प्रश्न विचारत आहेत.दरम्यान, जुलैच्या हप्ता पुढच्या दोन आठवड्यांमध्ये यायला हवा. याबाबत कोणतीही घोषणा करण्यात आलेली नाही. मात्र, लवकरच माहिती दिली जाऊ शकते.