कोल्हापूरच्या राजकारणातून एक महत्त्वाची माहिती समोर आली आहे. आता कोल्हापूरमध्ये म्हाडिक कुटुंबाची तिसरी पिढी राजकारणात सक्रिय झाली आहे. आता धनंजय महाडिकांचे सुपुत्र महापालिका निवडणूक लढवणार आहेत. कृष्णराज महाडिकांनी निवडणूक लढवण्याचा निर्णय घेतला आहे.

कृष्णराज महाडिक हे भाजप खासदार धनंजय महाडिकांचे पुत्र आहेत. ते कोल्हापूर महापालिकेच्या प्रभाग क्रमांक ३ मधून निवडणूक लढवणार असल्याची माहिती समोर आली आहे. यामुळे कोल्हापूरच्या राजकारणात नवीन चेहरा उतरणार असल्याची चर्चा सुरु झाली आहे. कृष्णराज महाडिक हे भाजपकडून निवडणूक लढवणार असल्याची माहिती समोर आली आहे.

भाजप कोल्हापूरची महापालिका उमेदवारांची यादी आज किंवा उद्या जाहीर होणार असल्याची माहिती सूत्रांनी दिली आहे. त्यात कृष्णराज महाडिकांचेही नाव असणार असल्याची माहिती समोर आली आहे. त्यामुळे कोल्हापूरच्या राजकारणात एक नवं नेतृत्व आपल्याला पाहायला मिळेल. महापालिकेची निवडणूक १५-१६ जानेवारी रोजी होणार आहे.

कोण आहेत कृष्णराज महाडिक? (Who Is krishnaraaj mahadik Kolhapur)

कोल्हापूरचे खासदार धनंजय महाडिक यांचे चिरंजीव कृष्णराज महाडिक आहेत. विधानसभा निवडणूकीतच कृष्णराज महाडिक उतरणार असल्याची चर्चा सुरु होती. मात्र, त्यांनी निवडणूक लढवली नाही. त्यानंतर आता ते पुन्हा निवडणुकीच्या रिंगणात उतरण्यासाठी सज्ज झाले आहेत. कृष्णराज महाडिक यांना राजकीय वारसा आहे. ते युट्यूबरदेखील आहेत.