कोल्हापूर : आमच्या जिल्ह्याचा काेराेनाचा पाॅझिटिव्हिटीचा दर हा पाच टक्क्यांपर्यंत आला आहे. त्यामुळे आम्हांला पुण्याप्रमाणे दुकानं सुरु ठेवण्याची परवानगी द्यावी अशी मागणी काेल्हापूरच्या व्यापारी kolhapur traders करु लागले आहेत. दुकानांची वेळ वाढवून न दिल्यास पुन्हा आंदाेलन छेडू असा इशारा व्यावसायिकांनी दिला आहे. राज्याचे उपमुख्यमंत्री अजित पवार ajit pawar यांनी रविवारी पुणे जिल्ह्यातील दुकाने shops रात्री आठ वाजेपर्यंत सुरु ठेवण्यास संमती दिली. पुणे महापालिकेने देखील सकारात्मक निर्णय घेत व्यावसायिकांना दिलासा दिला.

या निर्णयाप्रमाणेच आमच्या जिल्ह्यात दुकानं सुरु ठेवण्यासाठी रात्री आठची वेळ करावी अशी मागणी काेल्हापूरातील व्यापारी करु लागले आहेत. रविवारी सकाळी पुण्यातील व्यापा-यांनी त्यांच्या दुकानांच्या चाव्या पाेलिसांच्या हवाली केल्या. त्यांनी एक प्रकारे असहकार आंदाेलन केले. त्यानंतर दुपारी पुणे जिल्ह्यात दुकाने सुरु ठेवण्यासाठी वाढीव वेळ मिळाली.

काेल्हापूर जिल्ह्यात देखील काेविड १९ ची रुग्ण संख्या कमी हाेऊ लागली आहे. त्यामुळे येथील पॉझिटिव्हिटीचा दर देखील पाच टक्क्यांपर्यंत आला आहे. या पार्श्वभुमीवर जिल्ह्यात रात्री आठ वाजेपर्यंत दुकानं सुरु ठेवण्याचा निर्णय प्रशासनाने घ्यावा, अन्यथा आम्ही पुन्हा असहकार आंदाेलन पुकारु असा इशारा व्यापा-यांनी दिला आहे. दरम्यान या मागणीसाठी व्यापारी संघटना जिल्हाधिका-यांना भेटण्यास जाणार असल्याचे सांगण्यात आले.