रणजित मांजगावकर, साम टीव्ही
छत्रपती शिवाजी महाराज यांचा आवडता किल्ला असलेल्या पन्हाळगडावर दररोज शेकडो पर्यटक येत असतात. शिवकालिन स्वराज्यातील ऐतिहासिक असा किल्ला म्हणून पन्हाळगडाची ओळख आहे. मात्र, काही दिवसांपासून गडावर प्रेमीयुगुलांचा वावर वाढला आहे. गडावर फिरण्यासाठी आलेल्या प्रेमीयुगुलांकडून अश्लिल चाळे केले जात आहेत. (Latest Marathi News)
शुक्रवारी (७ ऑक्टोबर) दुपारच्या सुमारास एका प्रेमीयुगुलाने गडावरुन उडी घेत थेट आत्महत्या करण्याचा प्रयत्न केला. ही बाब पोलिसांच्या लक्षात येताच शनिवारी अचानक निर्भया पथकाने गडावर धडक मारली. पोलिसांनी (Police) गडावर धडक मारताच प्रेमीयुगुलांची चांगलीच धांदल उडाली.
यावेळी घरी न सांगता पन्हाळगडावर फिरायला आलेल्या प्रेमी युगलांची पोलिसांनी चौकशी केली. तसेच अनेक प्रेमीयुगुलांना पोलिसांनी चौकशीसाठी ताब्यात घेतलं. यापुढे परवानगी घेऊनच पन्हाळगडावर फिरायला या, असा सज्जड दम पोलिसांनी प्रेमीयुगुलांना दिला.
पन्हाळगडावर फिरायला आलेल्या एका प्रेमीयुगुलाने शुक्रवारी दुपारच्या सुमारास गडावरुन उडी घेत आत्महत्येचा प्रयत्न केला. दोघांनीही एकमेकांचे हात हातात घेऊन गडावरुन दरीत उडी मारली. ही बाब गडावर फिरण्यासाठी आलेल्या काही पर्यटकांच्या लक्षात आली.
त्यांनी तातडीने या घटनेची माहिती पोलिसांना दिली. माहिती मिळताच पोलीस गडावर दाखल झाले. पोलिसांनी दरीत पडलेल्या प्रेमीयुगुलांना बाहेर काढत उपचारासाठी रुग्णालयात दाखल केलं. हे प्रेमीयुगुल राधानगरी तालुक्यातील एकाच गावातील असल्याची माहिती आहे. गेली काही वर्ष दोघे एकत्रित ट्रेकिंग करत होते.
Edited by - Satish Daud
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.