कोल्हापूरच्या कुर गावातील स्मशानभूमीत अघोरी अंधश्रद्धेचा प्रकार उघडकीस आलाय.
बाहुली, लिंबू, नारळ, गुलाल आणि चिठ्ठीच्या माध्यमातून घटस्फोटासाठी जादूटोण्याचा प्रयत्न उघडकीस आला आहे.
या चिठ्ठीत चार जणांची नावे आहेत.
या अघोरी प्रकारामुळे गावात भीती आणि संतापाचे वातावरण निर्माण झाले आहे.
रणजीत माजगावकर, साम टीव्ही
कोल्हापूर : कोल्हापूरच्या भुदरगड तालुक्यातील कुर परिसरात स्मशानभूमीमध्ये एक अघोरी प्रकार उघडकीस आला आहे. एका महिलेने आपल्या पतीपासून ‘सोडचिठ्ठी’ देऊन वेगळं व्हावं आणि आणखी तीन जणांचे (त्यातील दोन महिला) यांचं आयुष्य उद्ध्वस्त होण्यासाठी हा अघोरी प्रकार केला गेल्याचा संशय आहे.
गावातील स्मशानभूमीत करण्यात आलेला हा अघोरी प्रकार नुसता चर्चेचा नव्हे, तर ग्रामस्थांमध्ये भीती आणि संतापाची लाट निर्माण करणारा बनला आहे. दोन दिवसांपूर्वी भुदरगड तालुक्यातील कुर गावात एका नागरिकाच्या अंत्यविधीसाठी स्मशानभूमीत तयारी सुरू होती.
काही मंडळी साफसफाईसाठी स्मशानभूमीत गेले असता त्यांना बाहुली, नारळ, लिंबू, लोखंडी खिळे, गुलाल आणि हाताने लिहिलेला कागद आढळला. उत्सुकतेपोटी त्यांनी कागद उघडून वाचला असता, त्यावर एका महिलेचं नाव नमूद करून 'सोडचिठ्ठी द्यावी' असा मजकूर होता. त्याचबरोबर आणखी तिघांची नावं लिहून "त्यांची वाट/भट्टी लागू द्या" असेही लिहिलं होतं. या घटनेमुळे गावभर उलटसुलट चर्चा सुरु झाल्या आहेत.
अंधश्रद्धेचा प्रकार कोठे घडलाय?
कोल्हापूर जिल्ह्यातील भुदरगड तालुक्यातील कुर गावात हा प्रकार घडला आहे.
स्मशानात कोणत्या वस्तू आढळून आल्या?
स्मशानात बाहुली, नारळ, लिंबू, लोखंडी खिळे, गुलाल आणि हाताने लिहिलेली चिठ्ठी आढळून आली.
चिठ्ठीत काय लिहिले होते?
एका महिलेने ‘सोडचिठ्ठी द्यावी’ असा मजकूर लिहिण्यात आला आहे.
या घटनेवर गावकऱ्यांनी काय प्रतिक्रिया दिल्या?
गावात भीती, संताप आणि उलटसुलट चर्चांना सुरुवात झालीये.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.