मराठ्यांच्या मुंबईतल्या आंदोलनानंतर सरकारनं हैदराबाद आणि सातारा गॅझेटियर लागू करण्य़ासाठी हालचाली सुरु केल्या. त्यानंतर आरक्षणाच्या लढाईत आता कोल्हापूर गॅझेटियरची एन्ट्री झालीय.. कोल्हापूर गॅझेटियरमध्ये नेमकं काय आहे?

कोल्हापूर गॅझेटमध्ये नेमकं काय?

1881साली इंग्रजांकडून गॅझेटची निर्मिती

कुणबी आणि मराठा एकच असल्याचा उल्लेख

मराठा आणि कुणबीमध्ये रोटी-बेटी व्यवहार

1881मध्ये कोल्हापूरची लोकसंख्या 8 लाखांच्या घरात

1881साली 3 लाख कुणबी, 60 हजार मराठा

मात्र 1881 साली ब्रिटिशांनी तयार केलेल्या या गॅझेटियरमध्ये 1996 साली स्थापन केलेल्या राज्य शासनाच्या कमिटीनं बदल केल्याचा आरोप सकल मराठा समाजानं केलाय...तसंच कुणबी हे मराठाच असून कुणबी दाखले देण्याचे प्रमाण हे अत्यंत कमी असल्याचे देखील त्यांनी अधोरेखित केलंय.

2003 साली हायकोर्टानं कुणबी आणि मराठा वेगवेगळे असण्याचा निर्णय दिला होता...मात्र आता कायदेतज्ज्ञ आणि इतिहास अभ्यासकांच्या मते, कोल्हापूर गॅझेटमधील पुरावे न्यायालयात किंवा शासनाकडे आरक्षणाच्या दाव्यासाठी महत्वाचे ठरू शकतात. कोल्हापूर गॅझेटमधील मराठा- कुणबी हे उल्लेख आजच्या आरक्षणाच्या लढाईत ऐतिहासिक पुरावे म्हणून पुढे आणले जाऊ शकतात. त्यामुळे कोल्हापूर गॅझेट संदर्भात आता राज्य सरकार नेमकं काय भूमिका घेते? हे पाहणं महत्त्वाचं आहे...