रणजीत माजगावकर

कोल्हापूर : कोल्हापूर शहरात गेल्या काही दिवसांपासून घरफोडी करणाऱ्या चोरट्यांचा (Kolhapur) सुळसुळाट वाढला आहे. याच दरम्‍यान शहरातील बंद बंगल्‍यात चोरट्यांनी प्रवेश करत साडेदहा लाखाचा मुद्देमाल (Theft) लांबविला आहे. (Live Marathi News)

कोल्‍हापूर शहरातील राजारामपुरीतल्या तेराव्या गल्लीतील मंडलिक पार्क इथं बंद बंगल्याला अज्ञात चोरट्यांनी लक्ष्य केले. चक्क दुसऱ्या मजल्यावर कुटुंब झोपले असताना खालच्या मजल्यावरील हाॅलचा दरवाजा तोडून चोरट्यांनी साडेतीन लाखांच्या रोकडसह सोन्याचे दागिने असा १० लाख ५० हजारांच्या मुद्देमालावार डल्ला मारलाय.

पोलिसांकडून शोध सुरू

सदर प्रकरणी पुष्कराज सोनार यांनी दिलेल्या फिर्यादीनुसार अज्ञात चोरट्यांविरोधात राजारामपुरी पोलीस ठाण्यात गुन्हा दाखल करण्यात आला. यानंतर पोलिसांनी घटनेचा पंचनामा करत चोरट्यांचा शोध सुरू केला आहे.