रणजित माजगावकर

कोल्हापूर : दोस्तीसाठी काय पण असं म्हणत तिघा मित्रांनी प्लान रचून मोटर सायकल चोरी केल्या. एक दोन नव्हे तर तब्बल १४ मोटरसायकल या तिघांनी मिळून चोरल्या. पोलिसात दाखल तक्रारीवरून तिघा मित्रांना अटक करून त्यांच्याकडून मोटारसायकली जप्त केल्या आहेत.

कोल्हापूर (Kolhapur News) शहरासह इतर शहरातून मागील काही दिवसांपासून दुचाकी चोरीच्या घटना घडत होत्या. याबाबत पोलिसात तक्रार दाखल करण्यात आल्या होत्या. या दृष्टीने पोलिसांकडून तपास सुरु करण्यात आला होता. या दरम्यान दुचाकी चोरी तिघांचा सहभाग असल्याचे तपासात समोर आले. यानंतर पोलिसांनी हातकणंगले तालुक्यातील माणगाव येथील स्वप्निल महाजन, किशोर सुतार आणि सनी कोळी या तिघा मित्रांना अटक केली आहे.

तिघांना ताब्यात घेतल्यानंतर (Police) तिघांकडून इचलकरंजी, सांगली आणि कर्नाटक राज्यातील उगार, कुडची येथून चोरलेल्या चौदा मोटर सायकल चोरल्याची कबुली पोलिसांना दिली आहे. साधारण त्यांच्याकडून पाच लाख हजार रुपये किमतीच्या १४ मोटरसायकली कोल्हापुरातील लक्ष्मीपुरी पोलिसांनी जप्त केल्या आहेत. याप्रकरणी या लक्ष्मीपुरी पोलिसांनी कौशल्यपूर्ण तपास करत या सगळ्या गाड्यांचा शोध लावण्यात यशस्वी झाले आहेत.