रणजीत माजगांवकर

kolhapur News : कोणाचं नशीब कधी कसं पलटेल हे कोणीही सांगू शकत नाही. नशीबाची साथ लाभली तर एखादा गरीब रातोरात श्रीमंत होऊ शकतो. याचप्रकारे कोल्हापुरातील इयत्ता सातवीत शिकणाऱ्या विद्यार्थ्याचं पालटलं आहे.

सातवीत शिकणारा विद्यार्थी एकाच रात्रीत तो कोट्याधीश झाला आहे. सातवीत शिकणाऱ्या मुलाने ड्रीम ११ या प्लेइंग अॅपवर क्रिकेट गेम खेळून एक कोटीची रक्कम जिंकली आहे. (Latest Marathi News)

कोल्हापूर (Kolhapur) जिल्ह्यातील मुरगूडच्या सक्षम बाजीराव कुंभार या इयत्ता ७ वी शिकणाऱ्या विद्यार्थ्यांने 'ड्रीम इलेव्हन' या ऑनलाईन खेळात कोट्याधीश होण्याचा बहुमान मिळवला आहे. काल रात्री त्याच्या वडिलांच्या अकाउंटवर जिंकलेली रक्कम जमा झाल्यानंतर गावात एकच जल्लोष करण्यात आला. त्याचे वडील बाजीराव कुंभार हे महावितरण मध्ये कर्मचारी आहेत.

सक्षम बाजीराव कुंभार हा 'ड्रीम इलेव्हन' अॅपवर एक कोटी जिंकल्यानंतर त्याच्या कुटुंबाने एकच जल्लोष केला. शिष्यवृत्ती परिक्षेत उज्ज्वल यश संपादन करणाऱ्या सक्षमला क्रिकेटबद्दल चांगलीच माहिती आहे.

रात्री साडे नऊ वाजता त्याने ऑनलाईन एक कोटीची रक्कम जिंकल्यानंतर सर्वांनाच सुखद धक्का बसला. उत्साही युवक आणि नातेवाईकांनी शहरातून मोटरसायकल रॅली काढून आनंद साजरा केला.

ड्रीम इलेव्हन काय आहे ?

'ड्रीम इलेव्हन ' क्रिकेटचं (Cricket) ऑनलाईन अॅप आहे. या अॅपमध्ये क्रिकेटच्या ज्ञानाचा उपयोग करून टीम बनवू शकता. यामध्ये तुम्ही ज्या खेळत आहेत. त्यातील उत्कृष्ट खेळाडू निवडावे लागतात. तुम्ही निवडलेले खेळाडू चांगलं प्रदर्शन करत असेल, तर तो डाव जिंकता. त्यानंतर तुम्हाला त्या ठिकाणी उपलब्ध असलेली पहिलं बक्षिस मिळते.

Disclaimer : ड्रीम इलेव्हन हा जोखमीचा खेळ आहे. त्यामुळे ऑनलाईन 'ड्रीम इलेव्हन' तुमच्या जोखमीवर खेळा. आम्ही सकारात्मक परिणामाची हमी दिली नाही.