चंद्रपूर : विधान परिषद निवडणुकीत सत्ताधा-यांना (mva) भारतीय जनता पक्षाने (bjp) दणका दिल्यानंतर राज्यात राजकीय भुकंप हाेणार असे चित्र आज (मंगळवार) सकाळपासून निर्माण झाले आहे. शिवसेनेचे (shivsena) काही आमदारांचा फाेन लागत नसल्याने राज्यातील राजकीय वातावरण ढवळून निघाले आहे. त्यातच चंद्रपूरचे अपक्ष आमदार किशोर जोरगेवार (kishore jorgewar) यांनी चापलुसांना संधी दिल्याने असे निकाल लागले असे वक्तव्य केल्याने राजकीय मंडळींच्या भुवया उंचावल्या गेल्या आहेत. (kishore jorewar latest marathi news)

चंद्रपूरचे अपक्ष आमदार किशोर जोरगेवार यांनी विधान परिषद निवडणूक आणि एकनाथ शिंदे नॉट रिचेबल प्रकरणावर प्रतिक्रिया दिली आहे. विधान परिषद निवडणुकांचे निकाल विद्यमान राजकीय पक्षांचे डोळे उघडणारे असल्याचे मत त्यांनी मांडले. राज्यसभा निवडणुकीत अपक्षांवर घोडेबाजाराचा आरोप झाल्याची आठवण त्यांनी करून दिली. (Political Crisis in Maharashtra)

आजच्या ताज्या निकालात मात्र प्रस्थापित राजकीय पक्षांचे आमदार नाराज असल्याचे सिद्ध झाल्याचे मत आमदार जोरगेवार यांनी व्यक्त केले. निष्ठावान कार्यकर्त्यांना डावलून चापलुसांना संधी दिल्याने अशी स्थिती निर्माण होते, असा टोलाही आमदार जोरगेवार यांनी लगावला आहे. नव्या घडामोडींमुळे राज्य सरकारमध्ये काही बदल घडेल, असे वाटत नसल्याचे मतही त्यांनी व्यक्त केले.

Edited By : Siddharth Latkar