माधव सावरगावे, साम टीव्ही
छत्रपती संभाजीनगर: वैजापूर तालुक्यात कावड यात्रेसाठी जाणाऱ्या भाविकांचा टेम्पो पलटी होऊन अपघात झाल्याची घटना रविवारी सकाळच्या सुमारास लाडगाव–वांजरगाव रोडवर घडली. या टेम्पोमध्ये तब्बल २० भाविक प्रवास करत होते. अपघातात काही भाविक जखमी झाले असून, त्यांना तातडीने वैजापूर येथील उपजिल्हा रुग्णालयात उपचारासाठी दाखल करण्यात आले आहे.
वैजापूर तालुक्यातील वांजरगाव येथून नाशिक जिल्ह्यातील जातेगाव येथे असलेल्या पिनाकेश्वर अर्थात मोठा महादेव मंदिरासाठी दरवर्षी कावड यात्रा निघते. या यात्रेसाठी भाविक वांजरगावच्या दिशेने जात असताना लाडगाव–वांजरगाव रोडवर त्यांच्या टेम्पोचा अपघात झाला. यावेळी टेम्पो रस्त्यावर पलटी झाला.
या अपघातात काही भाविकांना दुखापत झाली आहे. जखमींवर वैजापूर उपजिल्हा रुग्णालयात उपचार सुरू आहेत. अपघातातील जखमी भाविक हे कन्नड तालुक्यातील विटा औराळा येथील असल्याची प्राथमिक माहिती समोर येत आहे. दरम्यान, अपघाताची माहिती मिळताच वीरगाव पोलिसांनी घटनास्थळी धाव घेतली. पोलिसांकडून अपघाताची कारणे आणि घटनेचा पुढील तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.