अभिजित देशमुख

कल्याण : कल्याण रेल्वे स्थानकात झोपलेल्या प्रवाशांचे सामान चोरी करणाऱ्या दोन सराईत चोरटयांना (Kalyan) कल्याण रेल्वे क्राईम ब्रांच पोलिसांनी (Police) अटक केली आहे. दिनेश निनावे आणि संतोष चौधरी अशी चोरट्यांची नावे आहेत. हे चोरटे सीसीटीव्ही कॅमेरात कैद झाले होते. (Tajya Batmya)

कल्याण रेल्वे स्थानकावर मेल एक्सप्रेसमध्ये चढणाऱ्या प्रवाशाची सोन्याचे दागिने असलेली बॅग हिसकावून चोरट्याने पळ काढला होता. याप्रकरणी कल्याण रेल्वे (Railway) क्राईम ब्रांच तपास करत होती. क्राईम ब्रांचचे पोलिस अधिकारी अरशुद्दीन शेख यांच्या मार्गदर्शनाखाली पोलिसांनी तपास सुरू केला. स्टेशन परिसरातील सीसीटीव्ही तपासले असता एक चोरटा सिसिटीव्हीमध्ये दिसून आला. पोलिसांनी या चोरट्याची ओळख पटवून दिनेश निनावे या चोरट्याला बेड्या ठोकल्या. त्याच्या चौकशी दरम्यान त्याच्या साथीदाराची माहिती पोलिसांना मिळाली. पोलिसांनी सापळा रचत त्याचा साथीदार संतोष चौधरी याला देखील बेड्या ठोकल्या. 

४ लाखाचा मुद्देमाल हस्तगत 

दोघे सराईत चोरटे असून त्यांच्याकडून पाच गुन्ह्यांची उकल करण्यात रेल्वे क्राईम ब्रँचला यश आले आहे. त्यांच्याकडुन सोन्याचे दागिने, पाच मोबाईल व टॅब असा जवळपास चार लाखांचा मुद्देमाल हस्तगत करण्यात आला आहे.