अभिजित देशमुख
कल्याण : वेगवेगळ्या कारवाईत पोलिसांनी जप्त केलेली वाहने कल्याण जोशीबाग परिसरात मच्छी मार्केटच्या (Kalyan) मागील बाजूस ठेवण्यात आली होती. पोलिसांनी जप्त केलेल्या या वाहनांना आज दुपारच्या सुमारास अचानक (Fire) आग लागली. यात वाहनांचे प्रचंड नुकसान झाले आहे. (Breaking Marathi News)

कल्याण जोशी बाग परिसरातील मच्छी मार्केटच्या मागील बाजूस पोलिसांनी (Police) जप्त केलेली दुचाकी वाहन ठेवली जात असतात. याठिकाणी मोठ्या प्रमाणात वाहने ठेवण्यात आलेली होती. मात्र आज दुपारच्या सुमारास अचानक या ठिकाणी आग लागली. क्षणार्धात ही आग पसरल्याने सुमारे वीस ते पंचवीस दुचाकी गाड्या जळल्या असून यात मोठ्या प्रमाणात नुकसान झाले आहे. दरम्यान आग नेमकी कोणत्या कारणाने लागली याची माहिती अद्याप मिळू शकलेली नाही.   

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गाड्या ठेवलेल्या मोकळ्या मैदानातून मोठ्या प्रमाणात धूर निघाल्याने आग लागल्याचे लक्षात आले. यामुळे नागरिकांमध्ये घबराट पसरली होती. आगीची माहिती (Fire Brigade) अग्निशमन विभागाला देण्यात आली होती. माहिती मिळताच अग्निशमन विभागाचे पथक घटनास्थळी दाखल होत अर्ध्या तासात आगीवर नियंत्रण मिळवलं. मात्र आगीत २० ते २५ गाड्या जळून गेल्या आहेत.