अभिजीत देशमुख

कल्याण : घरातून कुणालाही न सांगता पैसे घेतले. या पैशांतून महागडा मोबाईल घेतला. वडिलांना याबाबत समजताच त्यांनी विचारणा केली. त्यामुळे घाबरलेल्या मुलाने थेट आत्महत्येचे पाऊल उचलल्याची घटना कल्याणमध्ये घडली. (Kalyan) कल्याणमधील पत्री पूल परिसरात एका झाडाला लटकलेला अवस्थेत तरुणाचा मृतदेह आढळून आला होता. या तरुणाने आत्महत्या का केली? या प्रकरणी महात्मा फुले पोलिसांचा (Police) तपास सुरू झाला आणि या तपासात ही धक्कादायक बाब समोर आली आहे. (Latest Marathi News)

कल्याणमधील पत्रीपुल परिसरात सोमवारी रात्रीच्या सुमारास रेल्वे रुळाशेजारी एका तरुणाचा मृतदेह झाडाला लटकलेल्या अवस्थेत आढळला होता. महात्मा फुले पोलिसांनी या प्रकरणी तपास सुरू केला. राजवर्धन यादव (वय १७) असे मुलाचे नाव असून तो व त्याचे कुटुंब उत्तर प्रदेश येथील गाजीपुरला राहतात. राजवर्धन नुकताच बारावी पास झाला होता. त्याला महागडा मोबाईल (Mobile) घ्यायचा होता. म्हणून त्याने कुणालाही न सांगता घरातून पैसे घेतले आणि त्यानंतर उत्तर प्रदेशहून मिरा भाईंदर येथे आपल्या काकाच्या घरी आला आणि त्यानंतर त्या पैशातून आयफोन घेतला.

भीतीपोटी उचलले टोकाचे पाऊल

त्याच्या वडिलांना जेव्हा घरातून पैसे गायब असल्याचे माहित पडले. तेव्हा त्यांनी याबाबत राजवर्धनला विचारणा केली. राजवर्धन घरात कोणालाही न सांगता पैसे आणले होते व महागडा मोबाईल घेतला. त्यामुळे राजवर्धन घाबरला व भीतीपोटी त्याने सोमवारी कल्याण गाठले. रात्रीच्या सुमारास पत्रिपुल परिसरात रेल्वे रुळा लगत असलेल्या झाडाला गळफास घेत आत्महत्या केली.