- बालाजी सुरवसे 

Dharashiv News : अल्पवयीन मुलीवर अत्याचार केल्या प्रकरणी कळंबच्या अतिरिक्त जिल्हा व सत्र न्यायालयाने युवकास (youth) २० वर्षाची सक्तमजुरी व ५० हजार रुपयांचा दंड ठोठावला आहे. न्यायालयाच्या निर्णयाचे अल्पवयीन मुलीच्या आईने आज ख-या अर्थाने न्याय मिळाल्याचे नमूद केले. (Maharashtra News)

अल्पवयीन मुलीवर दुसऱ्या शेतात (farm) काम करणाऱ्या सालगड्याने वारंवार अत्याचार केल्याने मुलगी गरोदर राहिली हा प्रकार समोर आल्यावर आरोपी विरोधात गुन्हा दाखल करण्यात आला होता. 2 फेब्रुवारी 2021 रोजी पिडीत मुलीच्या आईच्या फिर्यादीनुसार कळंब तालुक्यातील एका गावात ते उपजिवेकेसाठी आले होते.

तेथे त्यांची ओळख सालगडी सिध्दार्थ लक्ष्मण खंदारे यांच्यासोबत झाली. याच ओळखीचा गैरफायदा घेत सिध्दार्थने अल्पवयीन मुलीसोबत संबध ठेवले होते.

दरम्यान या प्रकरणी कळंब पोलीसांत गुन्हा दाखल करण्यात आला हाेता. पोलीस उपनिरीक्षक चैनसिंग गुसींगे यांनी न्यायालयात दोषारोपपत्र दाखल केले होते. या खटल्याची नुकतीच अंतिम सुनावणी झाली.

कळंबच्या अतिरिक्त जिल्हा व सत्र न्यायालयातील न्यायाधीश आर.के राजेभोसले यांनी संशयित आरोपी सिद्धार्थ खंदारे यास २० वर्षाची सक्तमजुरी व ५० हजार रुपयांचा दंड ठोठावला आहे.

Edited By : Siddharth Latkar