अभिजीत घोरमारे

गोंदिया : कोरोनाच्या पार्श्वभूमीवर पहिल्या लाटेपासून दुसऱ्या लाटेपर्यंत लॉकडाऊन राहिल्याने गोंदिया जिल्ह्यातील नवेगांव-नागझिरा व्याघ्र प्रकल्प पर्यटकांसाठी बंद ठेवण्यात आला होता. त्यामुळे वन्यजीव आणि पर्यावरण प्रेमींना जवळपास दिड वर्ष वन्यप्राण्यांचे दर्शन घेता आले नव्हते. Jungle safari starts from today at Navegaon-Nagzira tiger project

हे देखील पहा -

मात्र आता कोरोनाची दूसरी लाट हळूहळू ओसरत असून परिस्थिति नियंत्रणात येत आहे. राज्यात कोरोना रुग्णांचे प्रमाण कमीकमी होऊ लागल्यामुळे शासनाने बऱ्यापैकी निर्बंध शिथिल केले आहेत. त्यामुळे गेल्या वर्षभरापासून बंद असलेलं पर्यटन क्षेत्र देखील आता पूर्वपदावर येऊ लागले आहे.

विशेषतः संपूर्ण राज्यात गोंदिया जिल्ह्याचा पोझिटीवीटी रेट कमी असल्याने परिणामी शासनाने व्याघ्र प्रकल्पांना खुले करण्यास परवानगी दिली आहे. नवेगांव-नागझिरा व्याघ्र प्रकल्पात जंगल सफारी आज शनिवार 26 जून पासून पुढील 5 दिवस 30 जून पर्यंत सुरु ठेवण्यात येणार आहे. 5 दिवसच का होईना पण पर्यटकांना जंगल सफारीच्या आनंद लुटता येणार आहे. त्यामुळे वन्यप्रेमी आणि पर्यटकांमध्ये आनंदाचे वातावरण आहे.

Edited By : Krushnarav Sathe