अजित पवारांच्या विमान अपघातानंतर रोहित पवारांनी पॉवर पॉईंट प्रेझेंटेशन देत दादांच्या घातपाताचा संशय व्यक्त करत गौप्यस्फोटांची मालिकाच सुरु केली.. मात्र आता रोहित पवारांपाठोपाठ अजित पवारांचा मुलगा जय पवारही अॅक्टिव्ह झाले आहेत... अजित दादांच्या मृत्यूप्रकरणी जय पवार सोमवारी पत्रकार परिषद घेत व्हीएसआर कंपनीविरोधात मोठे गौप्यस्फोट करणार असल्याची माहिती समोर आलीय..

अजित 28 जानेवारीला अजित पवारांचं विमान अपघातात निधन झालं... या प्रकरणी आधी अमोल मिटकरी आणि त्यानंतर रोहित पवारांनी पुरावे सादर केले.. तर जय पवारांनीही व्हीएसआर कंपनीवर कारवाईची मागणी केली.. हे सगळं सुरु असतानाच व्हीएसआर कंपनीबाबत संशयाचं धुकं गडद झालं ते डीजीसीएने अपघाताला व्हीएसआर कंपनीच्या विमानाच्या सुरक्षा नियमातील त्रुटी जबाबदार असल्याचा अहवाल दिल्यानं.. डीजीसीएच्या अहवालानंतरही पोलिसांनी व्हीएसआर कंपनीविरोधात गुन्हा दाखल करुन घेण्यास नकार दिला..

याविरोधात रोहित पवारांनी राज्यात मुख्यमंत्री देवेंद्र फडणवीस, उपमुख्यमंत्री एकनाथ शिंदे याबरोबरच राज ठाकरेंसह उद्धव ठाकरे आणि देशातील महत्वाच्या नेत्यांच्या गाठीभेटींचा धडाकाच लावला... त्यामुळे व्हीएसआर कंपनी संशयाच्या भोवऱ्यात अडकत गेली.. आणि याच दरम्यान जय पवारांनी व्हीएसआर कंपनीचा मालक रोहित सिंग विमान हवेत असताना पायलट सीटवर झोपल्याचा व्हिडीओ ट्वीट केला... एवढंच नाही तर जय पवारांनी ट्वीट करुन आपल्या वडिलांच्या मृत्यूचं दुःख कायम राहील.. मात्र हा हलगर्जीपणा माफ करता येणार नसल्याचं म्हटलं होतं..

मात्र सुनेत्रा पवारांनी संपूर्ण अहवाल आल्यानंतरच प्रतिक्रिया देणार असल्याचं म्हटलंय... हा व्हिडीओ जारी केल्यानंतर जय पवार आता सोमवारी सकाळी 11 वाजता पत्रकार परिषद घेऊन मोठे गौप्यस्फोट करणार आहेत.. मात्र पहिल्यांदाच अजित पवारांच्या कुटुंबातूनच पत्रकार परिषद घेऊन गौप्यस्फोट करण्याचे संकेत दिल्यानं जय पवारांच्या पत्रकार परिषदेकडे राज्याचं लक्ष लागलंय....