जालना : जालना जिल्ह्यातील परतूर तालुक्यातील आंबा गावात पहिल्यांदाच मानव विकासच्या माध्यमातून (Jalna News) शाळेतील मुलींसाठी बस (St Bus) धावली. स्‍वातंत्रानंतर प्रथमच बस आल्याने मुलींच्या चेहऱ्यावर आनंद बघायला मिळाला. (Maharashtra News)

परतूर शहरापासून जाणाऱ्या मुख्य महामार्गापासून अवघ्या सात किलो मीटर अंतरावर असलेल्या आंबा गावातून मोठ्या संख्‍येने विद्यार्थी शिक्षणासाठी (Education) येत असतात. मात्र गावातून कुठल्या प्रकारची वाहतूक सुविधा उपलब्ध होत नसल्याने मुलांना शिक्षणासाठी पायपीट करावी लागत होती. त्यामुळे अनेक विद्यार्थी (Student) शिक्षणापासून वंचित राहत होते. याबाबत शिक्षकाकडून महामंडळ विभागाला (MSRTC Bus) विद्यार्थ्यांसाठी बस सेवा सुरू करावी; अशी केल्या जात होती.

तीन शाळेतील विद्यार्थ्यांना फायदा

आगार प्रमुख दिगंबर जाधव यांनी याबाबत एका दिवसात निर्णय घेऊन मानव विकास मिशन अंतर्गत शाळेतील विद्यार्थिसाठी बससेवा सुरू केली. यामुळ विद्यार्थीनींच्या चेहऱ्यावर मोठा आनंद पहायला मिळाला. या बस सेवेमुळे परतूर शहरातील तीन शाळेतली विद्यार्थ्यांना फायदा होणार आहे. शहराजवळ अवघ्या सात किलो मीटर अंतरावर असलेल्या या आंबा गावात स्वातंत्र्यानंतर पहिल्यांदाच बस जाणार असल्याने विद्यार्थी मोठ्या आनंदात होते.