जालना : जालना ते नांदेड समृद्धी महामार्गाचं मुल्यांकन लवकर सुरु करावं या मागणीसाठी जालन्यातील (Jalna) शेतकर्यांनी जिल्हाधिकारी कार्यालयासमोर जोरदार घोषणाबाजी करत आंदोलन (samruddhi Mahamarg) केले आहे. तसेच यावेळी आमदार कैलास गोरंट्याल यांचा निषेध देखील केला. (Maharashtra News)

जालना ते नांदेड समृद्धी महामार्गाचं काही भागाचं मुल्यांकन झालं. त्यासाठी मराठवाड्यातील बहुतांश आमदारांनी त्यासाठी पाठिंबा दिल्याचं पत्रही दिलं. मात्र जालन्यातील काँग्रेस आमदार कैलास गोरंट्याल यांनी सुरु असलेल्या विधानसभा अधिवेशनात तारांकित प्रश्न उपस्तित करताना समृद्धी महामार्गात घोटाळा झाल्याचा आरोप करत शेतकऱ्यांनी खोटी झाडाची लागवड करत ५०० कोटींचा अनुदान घोटाळा अधिकारी यांनी मिळून केल्याचा आरोप केला आहे. तसेच या घोटाळ्याची चौकशी करण्याची मागणी केली. 

काँग्रेस आमदाराचा निषेध 

संतप्त झालेल्या (Farmer) शेतकऱ्यांनी आमदार कैलास गोरंट्याल यांचा जाहीर निषेध करत समृद्धी बाधित शेतकऱ्यांचे मूल्यांकन तात्काळ करुन शेतकऱ्यांच्या खात्यात मोबदला जमा करावा; अशी मागणी करत जिल्हाधिकारी यांना निवेदन ही दिले आहे. यावेळी शेतकऱ्यांना चोर म्हणणाऱ्या आमदारांचा जाहीर निषेध करण्यात आला आहे.