Jalna Crime News: जालना जिल्ह्यातल्या एदलापूर येथील माजी सरपंच यांचा खून करून अपघात झाल्याचा बनाव करण्यात आला होता. हा अपघात (Accident) नसून खून असल्याची धक्कादायक बाब पोलिस (Police) तपासात उघड झाली. (Maharashtra News)

गेल्या काही दिवसांपूर्वी वाटूर -जालना या महामार्गावर एदलापूरच्या माजी सरपंचाचा अपघातात मृत्यू झाल्याची घटना घडली होती. मात्र हा अपघात नसून त्यांचा खून करण्यात आल्याची तक्रार मयत सरपंचाच्या नातेवाईकांनी परतूर पोलिस ठाण्यात दिली होती.

त्यानंतर पोलिसांनी या प्रकरणी तपासाची चक्र फिरवत अखेर हा अपघात नसून खून (Crime News) झाल्याचं उघड केले आहे.

चुलत भावानेच रचला कट

मयत सरपंच यांच्या चुलत भावानेच हा कट रचून आधी अपघात घडून आणून त्यानंतर जखमी अवस्थेत असलेल्या सरपंचाचा खून केल्याचे सिद्ध झाले.

याप्रकरणी पोलिसांनी आरोपी बळीराम आनंदराव मरळ याला अटक केली करत त्यांच्यासह काही आणखी जण या कटात सामील असल्याने त्या आरोपींचा शोध सुरू केला आहे. त्यातून काही आरोपी आणखी असण्याची शक्यता ही पोलिसांनी वर्तविली आहे.