जालना : भोकरदन तालुक्यातील हसनाबादहुन हैद्राबादकडे काळया बाजारात विक्रीसाठी जाणारा तांदूळ (Jalna) जप्त करण्यात आला आहे.  स्थानिक गुन्हे शाखा आणि हसनाबाद पोलिसांनी (Police) ट्रकचा पाठलाग करुन ट्रक जप्त केला आहे. (Latest Marathi News)

हसनाबाद पोलिस ठाण्याच्या हद्दीत असलेल्या हसनाबाद फाट्यावर ही कारवाई करण्यात आली. या कारवाईत २८ क्विंटल तांदूळ जप्त करण्यात आला असून याची किंमत १ लाख रूपये इतकी आहे.  एका ट्रकमधून २८ क्विंटल तांदूळ विक्रीसाठी हैद्राबादकडे जाणार असल्याची माहिती पोलिसांना मिळाली होती. या माहितीवरून पोलिसांनी सापळा रचून ही कारवाई केली. दरम्यान पोलिसांनी तांदूळ जप्त केला असून ट्रकही ताब्यात घेतला आहे. 

या कारवाईत एकूण १ लाख ३० हजाराचा मुद्देमाल जप्त करण्यात आला आहे. पोलीस या प्रकरणी महसूल विभागाला पत्र पाठवून तांदूळ कुठल्या दुकानात पुरवठा केल्या जात होता. याबाबत अधिक चौकशी करत असून महसूल विभागाकडून ही पथक पाठवून तांदुळाचे नमुने घेण्यात आले आहेत. पोलिसांनी चालकासह एकाला ताब्यात घेतले असून गुन्हा दाखल करण्याची प्रक्रिया सुरु असल्याची माहिती सहाय्यक पोलिस निरीक्षक शिवाजी नागवे यांनी दिली आहे.