अक्षय शिंदे 
जालना : रात्रीच्या सुमारास चोरटयांनी सराफ दुकानात जाऊन हात साफ केल्याची घटना जालन्यातील घनसावंगी तालुक्यातील कुंभारी पिंपळगाव येथे घडली आहे. सराफ दुकानातून चोरट्यांनी साधारण २० लाख रुपये किंमतीचे सोने- चांदीचे दागिने लांबविल्याचे उघडकीस आले. हि चोरीची संपूर्ण घटना दुकानात लावण्यात आलेल्या सीसीटीव्ही कॅमेरात कैद झाली आहे. 

जालना जिल्ह्यातील घनसावंगी तालुक्यात असलेल्या कुंभारी पिंपळगाव येथील सराफ दुकानात रात्रीच्या सुमारास चोरीची घटना घडली आहे. सराफा दुकानात चार ते पाच अज्ञात चोरट्यांनी प्रवेश करत चोरी केली आहे. या चोरट्यांनी जवळपास २० लाखांचे सोन्या चांदीचे दागिने लंपास केले आहे. चार ते पाच आज्ञात चोरट्यांनी शटरचे लॉक तोडून जवळपास 20 लाखांचा ऐवज घेऊन पसार झाल्याचे सीसीटीव्ही कॅमेऱ्यात कैद झाले आहे. 

पोलिसांकडून तपास सुरु 

दरम्यान कुंभारी पिंपळगाव येथे सराफा दुकानात झालेल्या या चोरीमुळे व्यापारी वर्गात खळबळ उडाली आहे. याप्रकरणी घनसावंगी पोलीस ठाण्यात अज्ञात चोरट्यांविरोधात गुन्हा दाखल करण्यात आला असून पुढील तपास पोलिस करत आहे. पोलिसांनी सीसीटीव्ही फुटेज घेतले असून चोरट्यांचा शोध सुरु करण्यात आला आहे. 

सराफ दुकान फोडणारे आरोपी जेरबंद

श्रीरामपूर (अहिल्यानगर) : श्रीरामपूर येथील सराफ दुकान फोडण्यात आले होते. चोरट्यांनी १७ जुलैला सराफ दुकानाचे शटर तोडून लाखोंचा ऐवज लुटला होता. सराफ दुकान फोडणाऱ्या चार आरोपींना अहिल्यानगरच्या स्थानिक गुन्हे शाखेने जालना येथून जेरबंद केले आहार. आरोपींकडून ११ किलो चांदीसह १४ लाख रुपयांचा मुद्देमाल हस्तगत करण्यात आला आहे.