अक्षय शिंदे, साम टीव्ही जालना

जालन्यातील वडीगोद्री रोडवरील शहापूरजवळ शुक्रवारी सकाळच्या सुमारास भीषण अपघात झाला.

भरधाव वेगात जाणाऱ्या आयशर ट्रकने प्रवाशांनी खचाखच भरलेल्या एसटी बसला जोरदार धडक दिली.

अपघात इतका भीषण होता की दोन्ही वाहने समोरासमोर एकमेकांना धडकताच मोठा आवाज झाला.

या भीषण अपघातात आतापर्यंत ६ प्रवाशांचा मृत्यू झाल्याची प्राथामिक माहिती आहे.

तर अपघातात १५ ते १८ प्रवासी जखमी झाले असून त्यांना उपचारासाठी रुग्णालयात दाखल करण्यात आलं आहे.

मृतांचा आकडा वाढण्याची भीती व्यक्त केली जात आहे. जखमींना स्थानिक रुग्णालयात उपचार सुरू आहेत.

मिळालेल्या माहितीनुसार, गेवराईकडून अंबडकडे जाणाऱ्या एसटी बसला मोसंबी वाहून नेणाऱ्या आयशर ट्रकने धडक दिली.

जालना वडीगोद्री रोडवरील शहापूरजवळ हा अपघात झाला. अपघातातील मृतांची नावे अद्याप समोर आलेली नाही.

प्रत्यक्षदर्शींनी दिलेल्या माहितीनुसार, आयशर ट्रक भरधाव वेगात होता. एका वाहनाला ओव्हरटेक करण्याच्या नादात तो समोरून येणाऱ्या बसला जाऊन धडकला.