पारोळा (जळगाव) : जिल्‍ह्यात रविवारी वादळी वाऱ्यासह पावसाचा जोरदार तडाखा बसला. यात दगडी सबगव्हाण (ता. पारोळा) येथे रविवारी (ता. ४) दुपारी साडेबाराच्या सुमारास झालेल्या जोरदार वादळी पावसात (Lighting Strike) वीज पडून एकाचा मृत्यू झाल्याची घटना घडली. (Breaking Marathi News)

सुनील आबाजी भिल (वय ३२) असे मृताचे नाव आहे. सुनील हा सबगव्हाण येथील शेतकरी भाऊसाहेब गोपीचंद पाटील यांच्याकडे सालदार म्हणून कामाला आहे. दुपारी सुरू झालेल्या वादळी (Parola) पावसामुळे तो शेतात असताना लिंबाच्या झाडाखाली आडोशाला उभा राहिला. दुर्दैवाने त्याच झाडावर वीज कोसळल्याने विजेच्या धक्क्याने सुनीलचा जागीच मृत्यू झाला.

घरांची पत्रेही उडाली

दरम्यान जोरदार वादळामुळे गावातीलच वाल्मिक शंकर भिल व जोगी यांच्यासह पाच घरांची पत्रे उडून गेली. वादळाचा जोर अधिक असल्याने अनेक भागातील झाडे उन्मळून पडली. यामुळे मोठे नुकसान देखील झाले आहे.