पारोळा (जळगाव) : भरधाव कार दुभाजकावर आदळून झालेल्या अपघातात गुजरात राज्यातील दोन जणांचा (Accident) जागीच मृत्यू झाला. तर एक जण गंभीर जखमी झाला. ही घटना मध्यरात्री तीनच्या सुमारास पारोळा (Parola) तालुक्यातील सारर्वे गावाजवळ घडली. (Breaking marathi News)

गुजरात राज्यातील अजय नरेंद्र कोकजे (वय ६२, रा. बडोदा, गुजरात), चेतन ताखासिंग राज (वय २७, रा. भानपुरा, ता. अकलाव जि. आनंद गुजरात), तखासिंग उदयसिंग राज वय ६० रा भानपुरा ता अकलाव, जि. आनंद गुजरात) हे कारने २० नोव्हेंबरला भुसावळ (Bhusawal) येथे कंपनीच्या कामानिमित्त आले होते. कंपनीचे काम संपवून ते दुसऱ्या दिवशी पहाटे परतीला निघाले. दरम्यान सारवे (ता. पारोळा) गावानजीक राष्ट्रीय महामार्गावर सकाळी सव्वातीनच्या सुमारास रस्त्याचा अंदाज न आल्याने चालकाचा करवरील ताबा सुटल्याने भरधाव कर दुभाजकावर जोरदार आदळली. यात चालक अजय नरेंद्र कोकजे व चेतन ताखासिंग राज यांचा जागीच मृत्यू झाला. तर तखासिंग उदयसिंग राज हे गंभीर जखमी झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जोरदार आवाजाने गावकरी धावले 

कारची दुभाजकाला धडक झाल्याने जोरदार आवाज झाला. यामुळे घटनास्थळी गावातील काही लोक धावले. रुग्णवाहिका चालक ईश्वर ठाकूर, रोशन पाटील, यश ठाकूर, अमोल महाजन, शरद पाटील, यश गोसावी यांनी मृतदेह गाडीतून बाहेर काढले व जखमीला खासगी रुग्णालयात दाखल केले. गाडीचा वेग जास्त असल्याने दुभाजकावर इतक्या जोराने आदळली की कारमधील दोघेही एअर बॅग उघडूनही दोघांचे प्राण वाचू शकले नाही. याबाबत पारोळा पोलिसात श्रीरंग अजय कोकजे यांच्या फिर्यादीवरून अपघाताचा गुन्हा दाखल करण्यात आला आहे. याबाबत पोलिस उपनिरीक्षक राजू जाधव तपास करीत आहेत.