जळगाव : अहमदनगर दुर्घटनेत जबाबदार धरत निलंबित करण्यात आलेल्या डॉक्‍टर आणि परिचारिकांवर दाखल करण्यात आलेले गुन्हे मागे घेण्यात यावे. त्याच बरोबर त्यांचे निलंबनही मागे घेण्यात यावे; या मागणीसाठी जळगाव जिल्‍हा शासकीय रुग्णालयातील परिचारिकांनी आजपासून बेमुदत काम बंद आंदोलन सुरू केले आहे. (jalgaon-news-Withdraw-the-suspension-of-ahamadnagar-doctors-and-nurses-Nurse-strike)

अहमदनगर जिल्हा रुग्णालयात लागलेल्या आगीत काही रूग्‍णांचा बळी गेला. यानंतर काही परिचारिका आणि डॉक्‍टर यांना जबाबदार धरून त्यांच्या विरोधात गुन्हे दाखल करून त्यांना निलंबित करण्यात आले आहे. मात्र सरकारची ही कारवाई कर्मच्याऱ्यांवर अन्याय करणारी आहे. याचा निषेध करण्यासाठी आणि कारवाई मागे घेण्यात यावी; यासाठी जिल्ह्यातील परिचारिकांनी काम बंद आंदोलन पुकारले आहे.

रुग्णसेवा कोलमडली

परीचारीकांनी मागण्यासाठी जिल्हा रुग्णालय परिसरात निदर्शने केली. शिवाय परिचारिकांनी सकाळपासून कामबंद आंदोलन पुकारले आहे. यामुळे जिल्‍हा शासकिय रुग्णालयातील रुग्णसेवा कोलमडली आहे. त्याचा फटका रुग्णांना मोठ्या हालअपेष्टा सहन कराव्या लागत आहेत.