यावल (जळगाव) : यावल तालुक्यातील एका गावातील आठ वर्षीय मुलावर एकाने अनैसर्गिक अत्याचार केल्याचा धक्कादायक प्रकार समोर आला आहे. याप्रकरणी फैजपूर पोलीस (Faizpur Police) ठाण्यात गुन्हा दाखल करण्यात आला आहे. (Jalgaon News Unnatural abuse of an eight year old boy)

फैजपूर पोलीसांनी दिलेल्या माहितीनुसार यावल (Yawal) तालुक्यातील एका गावात आठ वर्षीय मुलगा कुटुंबियांसह वास्तव्याला आहे. १९ जानेवारीला दुपारी १२ ते १२.३० वाजेच्या दरम्यान संशयित आरोपी किरण संतोष तायडे (रा. यावल) याने मुलास शेतात हरभरा खाण्याचा बहाणा करून बालकास शेतात नेले. त्या ठिकाणी निर्जन ठिकाणी नेवून त्याच्यावर अनैसर्गिक अत्याचार केल्याचा धक्कादायक प्रकार समोर आला.

नंतर भरला दम

मुलावर अत्याचार करून संशयित आरोपीने कुणाला सांगू नको असा दम दिला. मात्र मुलाच्या आजीच्या फिर्यादीवरून फैजपूर पोलीस (Police) ठाण्यात संशयित आरोपी किरण तायडे याच्यावर गुन्हा दाखल करण्यात आला आहे. पुढील तपास पोउनि मोहन लोखंडे करीत आहे.