मेहुणबारे (जळगाव) : वरखेडे (ता.चाळीसगाव) शिवारात बिबट्याचा हैदोस सुरूच असून, चार दिवसांपूर्वी शेतात बसलेल्या बिबट्याने हल्ला करून एका बोकड्याचा बळी घेतला तर वासरू थोडक्यात बचावले. यावेळी आरडओरड केल्याने बिबट्या (Leopard) पळून गेला. (jalgaon news The leopard attack The victim of the goat)

वरखेडे शिवरात आनंदा चिंधा गवारे यांच्या शेतात चार दिवसांपूर्वी (Jalgaon News) मध्यरात्रीच्या सुमारास बिबट्या आला. त्याने पाड्यातील एका बोकडला ओढून नेत त्याच्या नरडीचा घोट घेतला. त्यानंतर त्याने वासराकडे मोर्चा वळवला. वासराच्या ओरडल्याने धनगर बांधवांना जाग आली. त्यांनी आरडाओरड करताच बिबट्याचे पळ काढला. या हल्ल्यामुळे धनगरबांधव भयभीत झाले असून, वन विभागाने (Forest Department) नुकसान भरपाई द्यावी, अशी मागणी होत आहे.

चार दिवसांपुर्वीही हल्‍ला

घटनेच्या चार दिवसांपूर्वीच पळासरे रस्त्यावरील एका गोठ्यात घुसून बिबट्याने वासरू व गोऱ्ह्याचा फडशा पाडला होता. त्यानंतर आता बोकडाचा बळी घेतला. त्यामुळे भटकंती करणाऱ्या धनगरबांधवांमध्ये भीती पसरली आहे.