जळगाव : जिल्ह्यात तीन दिवस उष्णतेची लाटेचा अंदाज वर्तविला आहे. त्‍यानुसान दोन दिवसांपासून जिल्ह्यात तापमानाचा पार वाढला असून सकाळपासूनच उष्‍णता जाणवत आहे. या पार्श्वभूमीवर जिल्हा आपत्ती व्यवस्थापनाने उष्माघातापासून बचाव व उपायासाठी मार्गदर्शक सूचना जारी केल्या आहेत. (jalgaon news The intensity of the heat increased)

उष्णतेच्या लाटेत उष्माघाताचा घटना टाळण्यासाठी (Jalgaon News) जिल्हा प्रशासन, पालिका प्रशासन व आरोग्य विभागात देखील सतर्क राहण्याच्या सूचना जिल्हाधिकाऱ्यांनी अभिजित राऊत यांनी दिल्या आहेत. तर लोकप्रतिनिधी व सामाजिक संस्थांना देखील उष्णतेच्या लाटेत उपायोजना राबवण्याचे आवाहन जिल्हा आपत्ती व्यवस्थापनाने केले आहे. यातच उष्‍माघाताने मंगळवारी एकाचा मृत्‍यू (Death) झाल्‍याने अधिक सतर्क झाले आहेत.

जिल्‍हाधिकारींचे आवाहन

उन्‍हाची तिव्रता अधिक असल्‍याने पुढील काही दिवस उन्हापासून बचाव करण्यासाठी नागरिकांनी वारंवार पाणी पिणे, अनावश्यकपणे घराच्या बाहेर न पडणे, लहान मुलांची विशेष काळजी घेणे गरजेचे असून जिल्हा रुग्णालय व ग्रामीण रुग्णालयात (Hospital) सर्व डॉक्टरांना सतर्क राहण्याचे सूचनाही देण्यात आल्या आहेत. सर्वांनी उन्हापासून बचाव करण्यासाठी योग्य ती उपाययोजना करावी; असे आवाहन जिल्हाधिकारी अभिजित राऊत यांनी केले आहेत.