जळगाव : काँग्रेसच्या अध्यक्षा सोनिया गांधी यांची ईडीतर्फे चौकशी सुरू आहे. केंद्रातील मोदी सरकार तपास यंत्रणाचा दुरोपयोग करत असल्‍याचा आरोप करत काँग्रेस (Congress) कमिटीच्‍यावतीने आज जळगावात सत्‍याग्रह आंदोलन करण्यात आले. (Jalgaon Congress News)

जळगाव (Jalgaon) शहर जिल्हा काँग्रेस कमिटीच्या माध्यमातून प्रदेश उपाध्यक्ष डॉ. उल्हास पाटील, प्रदेश सचिव विनोद कोळपकर, शहर जिल्हा अध्यक्ष शाम तायडे, देवेंद मराठे यांच्या नेतृवात काँग्रेस भवन जळगाव येथे सत्याग्रह करून आंदोलन करण्यात आले.

मोदी सरकारकडून तपास यंत्रणाचा दुरोपयोग

केंद्रातील मोदी सरकार तपास यंत्रणाचा दुरोपयोग करून देशातील महागाई, बेरोजगारी, दहशतवाद, मनमानी पद्धतीने चालविलेले खाजगीकरण या विरोधात काँग्रेस पक्षाच्या अध्यक्ष सोनिया गांधी यांनी आवाज उठविला. यामुळेच त्‍यांची (ED) ईडीच्या माध्यमातून नाहक चोकशी करून त्रास देण्याचा प्रकार चालू आहे. त्या विरोधात आज सत्‍याग्रह आंदोलन केले.