जळगाव : यावल तालुक्यातील भावाला धक्का देत सोबत असलेल्‍या मुलीला दोन जणांनी दुचाकीवरून पळवून नेले. याप्रकरणी फैजपूर पोलीस ठाण्यात दोन जणांविरोधात गुन्हा दाखल करण्यात आला आहे. (jalgaon news push the boy and girl kidnaping two boys)

यावल (Yawal) तालुक्यातील एका गावात मुलगी कुटुंबीयांसह वास्तव्याला आहे. फैजपूर (Faizpur) येथे खंडोबा यात्रेच्या निमित्ताने मुलगी व तिचा भाऊ आणि नातेवाईक रविवारी (२० मार्च) दुपारी आले होते. दुपारी पिडीत मुलीसह तिचा भाऊ आणि नातेवाईक घरी जात होते.

धक्‍का देत दिली धमकी

दरम्‍यान मुलगी घरी जात असताना जीवन अशोक भालेराव (रा. भालोद ता. यावल) आणि आकाश संजय भागेश्वर (रा. सावदा ता. रावेर) हे दुचाकीवर आले. दोघांनी पीडीत मुलीच्या भावाला व नातेवाईकाला धक्का दिला व मुलीला दुचाकीवर बसवून पसार झाले. या फिर्यादी दोघांनी लागलीच फैजपूर पोलीस (Police) ठाण्यात तक्रार दिली. त्यांच्या तक्रारीवरून संशयित आरोपी जीवन भालेराव आणि आकाश भागेश्वर यांच्या विरोधात गुन्हा दाखल करण्यात आला आहे. पुढील तपास पोलीस उपनिरीक्षक मोहन लोखंडे करीत आहेत.