जळगाव : मागील पंधरा दिवसांपासून सोने व चांदीच्‍या दरात सातत्‍याने वाढ होत आहे. या दरवाढीत (Silver) चांदीचे दर प्रतिकिलो उच्चांकी ७० हजार रुपयांवर पोहोचले आहे. एका दिवसातील १९०० रुपयांची तर महिन्याभरात सहा हजार रुपयांची वाढ झाली आहे. (Breaking Marathi News)

आंतरराष्ट्रीय बाजारात होत असलेल्‍या चढउतारामुळे सोने– चांदीचे (Gold And Silver) दर वाढत आहेत. जगभरातील प्रमुख बँकांकडून सोन्याची खरेदीत वाढ झाल्याने सोन्याच्या दरात वाढ होत आहे. यामुळेच आठवडाभरापासून सोने व चांदीचे दर सातत्‍याने वाढत आहे.

महिनाभरात ६ हजाराने वाढ

या दरम्‍यान सोमवारी चांदीचे दर प्रतिकिलो ६८ हजार १०० रूपयांवर होते. तेच दर मंगळवारी ६९ हजार ७२२ झाले. तर दुपारनंतर ७० हजार रुपये प्रतिकिलोवर पोहोचले. महिनाभरापूर्वी चांदी प्रतिकिलो ६४ हजार रुपये होती. त्यात सहा हजारांची वाढ होऊन मंगळवारी ते ७० हजार रुपये प्रती किलोवर पोहोचले.