जळगाव : सध्‍याची लग्‍नसराईमुळे सोन्‍याची मागणी वाढली आहे. यामुळे सोने– चांदीच्‍या दरात सातत्‍याने वाढ होत आहे. यात (Gold) सोने दरात एकाच दिवसात ६०० रुपयांनी वाढ झाल्‍याने सोन्‍याचे दर ५८ हजार ४०० रूपयांवर गेले आहेत. (Maharashtra News)

देशात गेल्या आठवड्यात ३ हजार ५०० हजार रुपयांनी सोने महागले आहे. या दरवाढीमागे २ अमेरिकी बँका बुडणे, युरोपातील ५ बँका बंद पडणे व स्वीस क्रेडिट स्वीच होण्याबाबतची अफवा दर वाढीचे प्रमुख कारणे असल्याचे जाणकारांचे म्हणणे आहे. यामुळेच दोनच दिवसांत सोन्याच्या प्रती तोळ्याच्या मागे १२०० रुपयांची वाढ झाली आहे.

जळगावात ५८ हजाराच्‍यावर दर

जळगाव बाजारपेठेत दोन दिवसांपूवी (Gold Price Today) सोन्‍याचे दर ५७ हजार ८०० रुपये प्रति १० ग्रॅम इतके होते. या दिवसभरात ६०० रूपयांची वाढ होवून हे दर गुरुवारी ५८ हजार ४०० रुपयांवर पोहोचले आहेत.