तोंडापूर (जळगाव) : तोंडापूर परिसरातील अजिंठा लेणी डोंगररांगामधील वन्यप्राणी बिबट्याचा मुक्‍तसंचार गावाच्या जवळ होत असल्याने व पाळीव प्राणी जंगलातील प्राण्यावर हल्ला चढवत आहे. यामुळे शेतकरी (Farmer) वर्गात भीतीचे वातावरण निर्माण झाले आहे. (jalgaon news Free movement of leopard in Tondapur)

जंगलातील होणाऱ्या अमर्याद वृक्षांची तोंडमुळे जंगल भकास होत असल्याने अन्न पाण्याच्या शोधात वन्यप्राणीचा वावर मानवी वस्त्याकडे वळला आहे. तोंडापूर परिसराला लागून अजिंठा लेणी (Ajintha Cave) डोंगररांग असल्याने या भागात वन्यप्राणींचा वावर मोठ्या प्रमाणात आहे. डोंगर भागातील नद्यानाल्यातील पाण्याचे साठे आटल्याने पाणी व अन्नाच्या शोधात प्राणी भटकंती करत गावाच्या आसपास असलेल्या शेतातील प्राण्यांची शिकार करत आहे.

कपाशीच्‍या शेतात बिबट्याचा आवाज

गेल्या दोन दिवसांपासून जामनेर ते तोंडापूर गावाच्या जवळ रस्त्यावर दोन बिबट्यांचे (leopard) दर्शन दिवसा जाणाऱ्या येणाऱ्यांना होत आहे. त्यामुळे शेतात काम करणाऱ्या महिला व शेतकरी वर्ग दिवसा शेतात जाण्यास घाबरत आहेत. जामनेर (Jamner) रस्त्यावर कपाशीच्या शेतातील बिबट्याचा आवाज महिलांच्या कानावर आल्याने काम सोडून घरी परत आल्याच्या घटना घडत आहे. जामनेर रस्त्यावर एका चारचाकी वाहनातून रात्रीच्या वेळी रस्त्यावर उभ्या बिबट्याचे मोबाईल मध्ये फोटो घेण्यात आले आहे.