जळगाव : जिल्हा परिषदेचा डिजीटल शाळांवर भर आहे. परंतु, वीज बिल थकित ठेवल्‍याने जळगाव (Jalgaon) जिल्ह्यातील २४९ शाळांचे वीज कनेक्शन महावितरणकडून (Mahavitaran) कट करण्यात आले आहे. त्यामुळे डिजीटल शाळांमध्ये अंधाराचे साम्राज्य निर्माण झाले आहे. (Letest Marathi News)

जळगाव जिल्ह्यात जिल्हा परिषदेच्या डिजीटल शाळांमध्ये विद्यार्थ्यांना चांगले शिक्षण मिळावे; हा दृष्टीकोन समोर ठेवून शिक्षण विभागाचे काम सुरू आहे. त्यासाठी जिल्हा परिषदेने ग्रामपंचायतीला प्राप्‍त होत असलेल्‍या निधीतून सुविधा करायच्‍या आहेत. अर्थात वित्त आयोगातून गावातील शाळांचे वीज बिल अदा करावे, असा ठराव करण्यात आला होता. परंतु, याची अंमलबजावणी होत नसल्‍याने शाळांचे वीज बिल थकित राहत आहे.

अखेर कनेक्‍शन कापले

शाळांकडे वीज बिल थकित असल्‍याने महावितरणकडून बिल भरण्यासंदर्भात सूचना केल्या होत्या. मात्र बिल भरणा न झाल्‍याने महावितरणकडून जिल्ह्यातील २४९ शाळांचा वीज कनेक्शन कापण्यात आले आहे. त्यात रावेर तालुक्यात सर्वाधिक ३९ शाळांचा समावेश आहे.