Akola News: पदवीधर विधान परिषद निवडणुक; ‘आप’ने जाहीर केला उमेदवार

अकोला : पदवीधर विधान परिषद निवडणुकीसाठी उमेदवारांची जोरदार तयारी सुरू आहे. अद्याप राजकीय पक्षांकडून उमेदवार जाहीर केले जात आहेत. यात अमरावती (Amaravati) विभागीय पदवीधर मतदार संघाच्या निवडणुकीत आम आदमी पार्टीने (AAP) आपला उमेदवार उतरवला आहे. (Breaking Marathi News)

आम आदमी पार्टीचे राज्याचे उपाध्यक्ष धनराज वंजारी यांनी आज अकोल्यात आयोजित पत्रकार परिषदेत घोषणा केली आहे. यात अमरावती, नागपूर व नाशिक मतदार संघासाठी 'आप'ने आपले उमेदवार जाहीर केले आहेत.

अपक्ष उमेदवाराला दिला पाठींबा

अमरावती विभागीय पदवीधर मतदार संघाच्या निवडणुकीत डॉ. भारती खंडेराव दाभाडे यांनी अपक्ष म्हणून अर्ज दाखल केला होता. डॉ. दाभाडे यांना आता आम आदमी पार्टीने त्यांना पाठिंबा जाहिर केला असून अधिकृत जाहिरनामा पत्र त्यांना सुपुर्द केले आहेत. त्याशिवाय नागपुर पदवीधर मतदारसंघात डॉ. देवेंद्र वानखड़े आणि नाशिकमध्ये ईश्वर पाटिल असे आपचे उमेदवार रिंगणात आहेत.