जळगाव : घरगुती सिलेंडरचा बेकायदेशीर वापर केला जात आहे. प्रवाशी रिक्षांमध्‍ये या (Gas) गॅसचा वापर केला जात असून प्रवासी रिक्षात गॅस भरणाऱ्यावर (Jalgaon) जळगाव शहर पोलिसांनी कारवाई केली आहे. (Live Marathi News)

जळगावातील एका दुकानात घरगुती वापराच्या गॅस सिलिंडरमधून बेकायदेशीररित्या प्रवासी रिक्षांमध्ये गॅस भरुन परिसरातील काळाबाजार सुरु होता. याबाबत पोलिसांना (Police) माहिती झाल्‍यानंतर त्‍याठिकाणी धाड टाकली. याठिकाणाहून गॅस भरणारा वर कारवाई करून त्यांच्याविरुद्ध शहर पोलिसात (Jalgaon Police) गुन्हा दाखल करण्यात आला.

२३ हजाराचा मुद्देमाल जप्‍त

पोलिसांनी धाड टाकल्‍यानंतर तेथून १७ हजार रुपये किंमतीची इलेक्ट्रॉनिक मोटार, पंप व ६ हजार रुपये किंमतीचे तीन गॅस सिलिंडर असा एकूण २३ हजारांचा मुद्देमाल हस्तगत करण्यात आला. कारवाई करण्यात आलेल्या तरुणाविरूध्द शहर पोलिस ठाण्यात गुन्हा दाखल करण्यात आला आहे.