जळगाव : गेल्या सहा महिन्यांपासून कोरोनाचा एकही रुग्ण नसलेल्या जळगाव जिल्ह्यात बुधवारी (१५ मार्च) कोरोनाचा (Corona) एक पॉझिटिव्ह रुग्ण आढळून आला. हा रुग्ण भुसावळ (Bhusawal) येथील असून त्याला कोरोनाची कोणतीच लक्षणे आढळून आलेली नाहीत. (Letest Marathi News)

कोरोनाच्‍या दुसऱ्या लाटेत जळगाव (Jalgaon) जिल्‍ह्यात भुसावळ तालुका हा कोरोना हॉटस्‍पॉट ठरला होता. मात्र ही लाट ओसरल्‍यानंतर कोरोनाग्रस्‍तांची संख्‍या देखील कमी झाली. आता गेल्‍या सहा महिन्‍यांपासून जिल्‍ह्यात एक देखील कोरोनाचा रुग्ण नव्‍हता. परंतु, सध्‍या राज्‍यातील अनेक भागांमध्‍ये कोरोनाचे रुग्ण आढळून येत आहेत. त्‍या अनुषंगाने आता टेस्‍ट सुरू केल्‍या असून यात भुसावळ एक रुग्ण कोरोना पॉझिटीव्‍ह आढळून आला आहे.

४४ नमुने निगेटीव्‍ह

दरम्‍यान जिल्‍ह्यात बुधवारी ४५ आरटीपीसीआर तपासण्यांपैकी ४४ नमुने निगेटिव्ह आले. तर एक अहवाल पॉझिटिव्ह आला. कोरोना प्रतिबंधक लसीकरण झालेले असल्याने या रुग्णाला कोरोनाची कोणतीही लक्षणे नाहीत, अशी माहिती जिल्हा शल्य चिकित्सक डॉ. किरण पाटील यांनी दिली. तरी देखील रुग्ण होम आयसोलेशनमध्ये आहे.