संजय महाजन, जळगाव प्रतिनिधी, साम टीव्ही मराठी

Jalgaon murder happened due to a love triangle : महाराष्ट्राला हादरवणारी घटना जळगावमध्ये घडली आहे. प्रेमाच्या त्रिकोणातून एका तरूणाची निर्घृण हत्या करण्यात आल्याने मुक्ताईनगरमध्ये एकच खळबळ उडाली. विशाल गोसावी असे हत्या करण्यात आलेल्या २६ वर्षीय तरुणाचे नाव आहे. विशाल गोसावी बेपत्ता असल्याची तक्रार पोलिसांत केली होती. पोलिसांकडून विशालचा शोध घेतला असता त्याची हत्या झाल्याचे धक्कादायक वास्तव समोर आले. पोलिसांकडून या घटनेचा सखोल तपास करण्यात आला.

प्रेम प्रकरणातून तरुणाची हत्या

विशाल गोसावी हा तरुण बेपत्ता असल्याने कुटुंबीयांनी पोलिसात हरवल्याची तक्रार केली होती. पोलिसांनी या तक्रारीवरून चौकशी केली. दारू पिताना मित्रासोबत झालेल्या वादातून मित्राने भावाच्या मदतीने तरुणाची हत्या करण्यात आल्याचे आधी समोर आले. पण अधिक सखोल तपास केल्यानंतर प्रेम प्रकरणामुळे हत्या झाल्याची माहिती उघड झाली. पोलिसांनी दोन संशयीतांना या प्रकरणात ताब्यात घेतले असून चौकशी कऱण्यात येत आहे.

आरोपीची कार पोलिसांच्या ताब्यात -

दोनजण एकाच मुलीवर एकाच वेळी प्रेम करत होते. प्रेमाचा हा त्रिकोण विशालच्या जिवावर उठला. आरोपीने प्रेम प्रकरणातून भावाला मदतीला घेत विशालची हत्या केल्याचा अंदाज पोलिसांनी व्यक्त केला आहे. पोलिसांनी घटनेत संशयतांनी वापरलेली कारही पोलिसांनी जप्त केली आहेत. पोलिसांकडून या घटनेचा सखोल तपास करण्यात येत आहे. आरोपींना कोर्टात हजर कऱण्यात येणार आहे.

दोन मित्र एकाच मुलीच्या प्रेमात, अन्...

विशालच्या हत्या प्रकरणात पोलिसांनी ऋषीकेश आत्माराम धनगर आणि आकाश आत्माराम धनगर या दोन्ही भावांना बेड्या ठोकल्या आहेत. आरोपी ऋषीकेश आणि विशाल हे दोघे जिवलग मित्र होते. दोघेही एकाच मुलीच्या प्रेमात पडले. त्यानंतर दोघांमध्ये वाद वाढत गेले. याच कारणातून ऋषीकेशने भाऊ आकाश याला हाताशी धरत विशाल याचा काटा काढला. दारू पिल्यानंतर विशाल याला चाकूने भोसकून संपवल्याची प्राथमिक माहिती समोर आली आहे. मुक्ताईनगर पोलीस या घटनेचा सविस्तर तपास करत आहेत.