संजय महाजन, साम टीव्ही

जळगाव जिल्ह्यातील जामनेर तालुक्यात मालदाभाडी गावाजवळ भीषण अपघात झाल्याची घटना समोर आली आहे. ट्रक आणि दुचाकी यांच्यात झालेल्या अपघातात दुचाकीवरील पाच ते सहा जणांचा मृत्यू झाल्याची प्राथमिक माहिती मिळत आहे. मृतांमध्ये तीन बालकांचा समावेश असल्याची माहिती आहे. मिळालेल्या महितीनुसार, आज दुपारी चार वाजेच्या सुमारास हा अपघात घडला. मालदाभाडी परिसरात ट्रक आणि दुचाकी यांच्यात भीषण धडक झाली. या अपघातात दुचाकीवरील पाच ते सहा जणांचा मृत्यू झाल्याची माहिती समोर येत आहे.

या अपघातातील मृत व्यक्ती मध्य प्रदेशातील बऱ्हाणपूर येथील रहिवासी असल्याची माहिती मिळत आहे. मृतांमध्ये तीन लहान बालकांचाही समावेश असल्याचं सांगितलं जात आहे. या दुर्घटनेमुळे परिसरात हळहळ व्यक्त केली जात आहे.दरम्यान, अपघात नेमका कसा घडला, याबाबतची अधिकृत माहिती अद्याप समोर आलेली नाही.