धरणगाव (जळगाव) : धरणगाव शहरातील शॉपिंग कॉम्प्लेक्समधील व्यापाऱ्याची पावणे सात लाखांची रोकड असलेली पिशवी लांबविल्याची (Jalgaon News) घटना घडली. सकाळी व्यापारी दुकान उघडत होता. दुकानाचे शटर उघडून दुसरे शटर उघडत असतांना ही घटना घडली. अवघ्या काही क्षणातच पावणे सात लाखांची रोकड (Crime News) चोरट्यांनी गायब केली. (Tajya Batmya)

धरणगाव शहरातील छत्रपती शिवाजी महाराज व्यापारी संकुलात गौरव डेडीया यांचे अनिल कुमार अँड हेमराज कंपनी नावाने किराणा दुकान आहे. ते होलसेलचे व्यापारी आहे. सोमवारी सकाळी साडेनऊ वाजेच्या सुमारास गुंजन डेडिया हे त्यांचे दुकान उघडण्यासाठी आले होते. गुंजन डेडीया यांनी दुकानाचे एका बाजूचे शटर उघडून जवळ असलेली पावणे सात लाखांची रोकडची पिशवी शटर उघडलेल्या दुकानात ठेवली. यानंतर त्याच दुकानाचे समोरील शटर उघडण्यासाठी गेले.

सीसीटीव्‍हीमध्‍ये झाले कैद

याच दरम्यान दुचाकीवरुन आलेल्या दोघांनी संधी साधत पावणे सात लाख रुपयांची रोकड असलेली पिशवी घेऊन दुचाकीवर पोबारा केला. दरम्यान चोरटे हे दुकानाच्या सीसीटीव्हीत कैद झाले असून त्यांची ओळख पटविण्याचे काम पोलिसांकडून सुरू आहे. चोरट्यांनी डेडीया यांच्यावर पाळत ठेवली असावी, तसेच व्यापारी गौरव डेडीया यांच्या परिचितांमधील कुणीतरी रोकडबाबत टीप दिल्याचा संशय पोलिसांनी व्यक्त केला जात आहे.