जळगाव : शहरातील भोईटेनगरमधील रेल्वे कर्मचाऱ्याला यू-ट्यूब सबस्क्रीप्शनवर ५० व १५० रुपये रिफंडचे (Cyber Crime) आमिष देत तब्बल दोन लाख ९४ हजार ५०० रुपयांची ऑनलाइन फसवणूक (Online Fraud) केली. (Breaking Marathi News)

मनोजकुमार सुनहरीलाल राज (वय ४५) यांना एका (Jalgaon News) अनोळखी क्रमांकावरून व्हॉट्सॲप मेसेज आला. त्यात यू-ट्यूब लिंकवर सबस्क्रीप्शन केल्यास आपल्याला प्रत्येकी ५० व दीडशे रुपये मिळतील, अशी बतावणी केली. त्यानंतर मनोजकुमार यांनी लिंकला सबस्क्रीप्शन केले असता समोरच्‍याने टेलिग्रॅमच्या आयडीवर ग्रुप जॉइन करून घेतला. त्या ग्रुपमध्ये ८ ते ११ मे दरम्यान केलेले सबस्क्रीप्शनचे एकूण चार हजार ३५० रुपये दिले. त्यानंतर मनोजकुमार यांनी सांगितलेल्या बँक खात्यात पैसे पाठविले.

वेगवेगळी कारणाने लाटले पैसे

यानंतर वेगवेगळी कारणे सांगून मनोजकुमार यांच्याकडून सुमारे दोन लाख ९४ हजार ५०० रुपयांची ऑनलाइन फसवणूक केली. आपली फसवणूक झाल्याचे लक्षात आल्यानंतर मनोजकुमार राज यांनी मंगळवारी (ता. १६) रात्री दिलेल्या फिर्यादीवरून जळगाव शहर पोलिस ठाण्यात गुन्हा दाखल झाला. पोलिस निरीक्षक विजय ठाकूरवाड अधिक तपास करीत आहेत.