जळगाव : नोकरीच्‍या शोधत असलेल्‍या तरूणाला गाठत त्‍याच्‍याशी संपर्क करून ऑनलाईन मुलाखत द्या; असे सांगितले. तसेच त्‍यासाठीची लिंक पाठविली असता लिंकवर क्लिक करताच तरूणाच्या बँक (Bank) खात्यातून १७ हजार ६०० रूपये काढून नेल्याचे उघडकीला आले. (jalgaon cyber crime Online interviews Money disappears from the bank account)

पाचोरा (Pachora) येथील शिवाजीनगर परिसरातील सोहन अशोक मोरे (वय २४) हा तरूण कुटुंबियांसह वास्तव्याला आहे. सोहन यास २ मे रोजी दुपारी अनोळखी (Cyber Crime) नंबरवरून फोन आला. नोकरीसाठी ऑनलाईन मुलाखत द्या; असे सांगितले. यानंतर समोरील नंबरवरून महिलेने एक लिंक पाठवत पेपर सोडविण्यास सांगितले. (Cyber Crime Latest Marathi News)

पेपर सोडवित असताना रक्‍कम गायब

सदर तरूण दिलेली लिंक ओपन करून पेपर सोडवित असतांना त्याच्या बँक खात्यातून एकुण १७ हजार ६०० रूपये परस्पर वर्ग करून फसवणूक केल्याचे समोर आले. आपली फसवणूक झाल्याचे लक्षात आल्यानंतर तरूणाने पाचोरा पोलीस ठाण्यात धाव घेवून तक्रार दिली. त्यांच्या तक्रारीवरून पाचोरा पोलीस (Police) ठाण्यात गुन्हा दाखल करण्यात आला आहे. पुढील तपास पोहेकॉ निवृत्ती मोरे करीत आहे.