जळगाव : जवळच्या गावात असलेले लग्न कार्यासाठी जात असताना काळाने घाला घातला. यात रस्त्यावर असलेल्या पुलावर दुचाकी अनियंत्रित होऊन कठडा तोडून थेट पुलाच्या खाली कोसळली. यामुळे झालेल्या अपघातात दुचाकीवरील दोघांचा मृत्यू झाला. 

भडगाव तालुक्यातील नालबंदी गावाजवळील पुलावर हा अपघात घडला. संतोष भिल (वय ३५) व गोकुळ रमेश सोनवणे (वय ३५) असे अपघातात मृत झालेल्यांची नावे आहेत. दोघेही सावदे (ता. भडगाव) येथे वास्तव्यास होते. मजुरी करून ते कुटुंबाचा उदरनिर्वाह करत होते. दरम्यान २७ मे रोजी दोघेही भडगाव तालुक्यातील दुसऱ्या गावात लग्न सोहळ्यासाठी जात होते. दरम्यान नालबंदी गावाजवळील छोट्या पुलावर त्यांच्या दुचाकीचा भीषण (Accident) अपघात घडला. 

दुचाकी पुलाचे कठडे तोडून खाली गेल्याने दोघेही पुलाच्या खाली पडले. यात संतोष भिल याचा जागीच मृत्यू झाला होता. तर गोकुळ सोनवणे हा गंभीर जखमी झाला होता. (Jalgaon) जळगाव येथील शासकीय वैद्यकीय महाविद्यालय व रुग्णालयात उपचार सुरु असताना त्याचा मृत्यू झाला. घटनेप्रकरणी भडगाव पोलीस स्टेशनला घटनेची नोंद करण्यात आली आहे.