सातारा : सातारा जिल्ह्याचा पूर्व भाग म्हणजेच माण-खटाव, हा भाग दुष्काळी भाग म्हणून ओळखला जातो. पण आता तुटका तलाव या परिसरात तारळी प्रकल्पाचे पाणी पहिल्यांदाच खळखळल्याने दुष्काळी भागातील जनतेला आता आशेचा किरण मिळाला आहे.

हे देखील पहा -

आज राष्ट्रवादीचे आमदार रोहित पवार यांच्या उपस्थितीमध्ये येथे जलपूजनाचा सोहळा पार पडला. मात्र, पाण्याचे श्रेय लाटण्याची एक अनोखी स्पर्धाच या भागात लागली आहे. याच पाण्याचे ज्या ठिकाणी रोहित पवारांनी पूजन केले, तिथेच माणचे भाजप आमदार जयकुमार गोरे यांनी सर्वप्रथम जलपुजन केले होते.

त्या पाठोपाठच रासपचे अध्यक्ष आणि आमदार महादेव जानकर यांनीही जिल्हा बँकेचे संचालक अनिल देसाई यांच्या उपस्थित जलपुजन केले होते. भाजप, रासप त्यानंतर राष्ट्रवादी काँग्रेस पक्षाच्या नेतेमंडळींनी जलपुजनाचा कार्यक्रम संपन्न केला आहे.

Edited By : Krushnarav Sathe