महाराष्ट्रात पुन्हा एकदा इतिहासाची मोडतोड करण्यात आलीय...जैन मुनींनी अकलेचे तारे तोडत महाराणी ताराराणीबद्दल वादग्रस्त विधान केलयं. आचार्य नयन पद्मसागर नेमकं काय म्हणाले? जैन मुनींनी ताराराणींसह मराठी भाषेवर काय विधान केलयं ? पाहूयात या स्पेशल रिपोर्टमधून...

ऐकलतं... 'महाराणी ताराराणी जैन होत्या', असं वादग्रस्त विधान करणारे हे आहेत... आचार्य नयन पद्मसागर... या जैन मुनींनी मुंबईतील एका कार्यक्रमात आक्रमक शैलीत भाषण करत महाराणी ताराराणींबद्दल हे वादग्रस्त विधान केलं...ते ही उपमुख्यमंत्री एकनाथ शिंदे आणि भाजपचे मुंबई अध्यक्ष अमित साटम यांच्या समोरचं. इतिहासाची मोडतोड करून जैन मुनी नेमकं काय म्हणाले तुम्हीच ऐका...

महाराणी ताराराणी या छत्रपती शिवाजी महाराजांच्या सून आणि स्वराज्याचे पहिले सरसेनापती हंबीरराव मोहिते यांच्या कन्या आहेत. त्यामुळे छत्रपती राजाराम महाराजांच्या पत्नी असणाऱ्या ताराराणी या मराठा होत्या हे सर्वश्रुत आहे...

मात्र हे जैन मुनी फक्त ताराराणींबद्दल वादग्रस्त विधान करून थांबलेले नाहीत.. तर जैन आर्चायांनी मराठीची रचना केल्याचा दावा करून आचार्य नयन पद्मसागर यांनी नव्या राजकीय वादालाच तोंड फोडलंय....

आधीच इतिहासाची मोडतोड करून आपल्या सोयीचा इतिहास नव्यानं मांडण्याची पद्धत राज्यात रुढ होत असल्याचं दिसतयं...त्यात आता या जैन मुनींची विधान. मुळात इतिहास हा वर्तमानासाठी दिशादर्शक असायला हवा... मात्र सद्यस्थितीत इतिहासाचा वापर आपली राजकीय पोळी भाजण्यासाठी आणि धर्माआडून नागरिकांची माथी भडकवण्यासाठी होऊ नये हीच अपेक्षा....

वैदही काणेकर, साम टिव्ही न्यूज